Durante un control dia 12 di Juni 2017, agentenan policial di Bureau Strandpolitie tabata na oficina, na momento cu un homber desconoci ta drenta oficina.
E homber a duna di conoce cu un rato prome, un acto di ladronicia a keda cometi ariba e beach dilanti e High Rise hotelnan na Palm Beach. El a duna un descripcion di e autor, cu tabata bisti cu un T-shirt geel y cu a core bay den direccion p’ariba, banda di e parkeerplaats di Strandpolitie, cu un rugtas ariba su lomba.
Chef na warda a manda e agentenan pa bay haci un control, den un auto neutral di departamento di Recherche. Durante e control, algun meter leu for di e bureau Strandpolitie, nan a bin haya un (1x) tas color preto, un (1x) bril di solo color preto y un (1x) petchi color preto. Na e crusada na altura di “”Butterfly Farm” polis a bin topa cu dos homber, tur soda cual a lanta sospecho cerca e agentenan cu nan lo a core tras di e malhechornan. Den un combersacion cu e dos cabayeronan aki, nan a declara na polis cu un rato prome, un di nan tabata victima di ladronicia di un tas color preto. El a sigui declara cu e malhechor tabata bisti cu un T- shirt geel y cu esaki a core bay direccion di “Olde Molen”. E denunciante a subi den auto hunto cu e polisnan. El a conta polisnan cu e ta cu vakantie na Aruba te cu dia 16 di Juni, 2017.
Pazuid di Olde Molen, polisnan ta subi e caminda di santo, direccion Bubali Plas, na altura di e “ Bird watch Tower” polisnan ta wak un hende homber ta cana mei mei di e matanan. E homber tabata bisti cu un t- shirt geel. E victima cu tabata cu polisnan den auto, a reconoce e homber aki como esun cu a bay cu su tas.
En conexion cu esaki, polisnan ta detene e homber pa ladronicia contra di un turista, cu ta pasando un paar di dia di vakantie na Aruba.