Diahuebs 23 di Februari 2017 pa mas o menos 5 or y 25 di atardi, durante un control na Sabana Basora, a para un truck marca KIA, color blanco A- 48260 dilanti di Sabana Basora 45-C. Durante e control riba cumplimento di ley, a acerca e chauffeur di e truck pa su documentonan. Pero esaki a cuminsa tembla y a declara cu no tabata tin su rijbewijs cun’e y a duna e polisnan su paspoort Venezolano. Den su paspoort por a ripara cu e persona en cuestion ta na Aruba desde 2015. Despues cu el a ricibi un yamada telefonico, el a duna autoridadnan su rijbewijs Venezolano. Di su mes boluntad el a conta polisnan cu su permiso ta den proceso. E chauffeur yama Jose Antonio MOLINA CHIRINOS tabata hopi nervioso. Via IASA a haci un control ariba su paspoort. Via IASA a bin haya e informacion cu MOLINA CHIRINOS a yega Aruba dia 25 di October 2015 y a haya solamente 4 dia pa keda Aruba, pero e no a bay bek su pais. En conexion cu esaki a bay over na detencion di Jose Antonio MOLINA CHIRINOS pa 5 or y 45 di atardi, basa ariba e ley di L.T.U. y a wordo entrega na personal di I.A.S.A. E tabata tin hunto cun’e un paspoort Venezolano, su rijbewijs Venezolano y un celular preto di marca Samsung. Central di Polis a wordo poni na altura.