Minister di Husticia, Sr. mr. Arthur Dowers ta sinti cu aunke e ley ta bisa algo, toch polis por sigui tuma accion. E ta amplia mas ariba esaki.
Sr. mr. Arthur Dowers a bisa cu e no ta na altura di e articulo aki cu a sali, pero e no ta comparti e opinion di polis cu ta bisa cu nan no tabata di acuerdo di e ley di 2008. Segun e minister, polisnan si tabata na altura di e ley aki y nan tabata tin discusion basta amplio tocante e ley aki.
T’asina cu tur hende ta na altura cu na 2008 partido MEP a cambia e ley. E esencia di e discusion no ta si, polis ta autorisa of no, ya cu polis por wordo autorisa den un paar di minuut. Discusion ta cu si por eherce LTU, prome cu 2008. Hopi biaha nan ta bruha dos cos di otro. Prome cu 2008, LTU tabata wordo aplica penalmente. Esey tabata nfiica cu nan tabata haci control y hopi mas amplio cu e tabata na e momento akinan.
Loke a wordo determina pa partido MEP na 2008 y awo ta studiando con pa cambia e ley aki. Segun Minister Dowers, nan a haci’e mas efectivo. Pero loke a wordo argumenta ta, door di partido MEP, cu segun e tratado internacional bo no por paga tur hende, tur caminda y pidi nan pa nan ID. E tempo ey a wordo determina, cu e unico caminda cu por check ilegalidad, ta na pia di trabao, of den un area determina. Eynan por eherce LTU.
No por para un auto ariba caya, y controla un hende si e ta legal of no ta legal. Esey no ta nada nobo, segun Sr. mr. Dowers. Pero tabata tin hende cu polis a para, cu no tabata tin niun documento y polis ta deten’e y hib’e warda. No ta asina cu polis ta trahando fuera di ley, polis si ta na altura di e ley aki, minister di husticia, mr. Arthur Dowers ta enfatiza.