Polisnan no ta mucho contento cu cierto cosnan pio colega cu ta busca firma rond pa Trudy NO bira Alto Comisario

1

Aña a habri y algun polis no ta contento con cierto cos ta andando den e cuerpo principalmente tin un grupito cu ta spanta pa Trudy Hassell bira e proximo Alto Comisario di Polis pasobra nan sa cu FIESTA ta caba. Sindicato di Polis tambe ta na altura di cierto desaroyona pasando y disgusto den e Cuerpo pa esakinan no sali den publicidad y lo bay regla esaki cu Minister di Husticia e siman aki. E.o promesanan cu a keda haci na grupo di coleganan cu a yuda simanan largo afo y a keda prometi pa leiding cu nan lo haya loke nan merece pa e trabou y asina por sigui bisa mas cos andando.

Maneho

Den comunicad por tuma nota cu tin mal maneho den Cuerpo Policial e e top 4 pa 5 hefenan bou di e Alto Comisario sea e airco ta dushi pa lepia of e auto gasoline pornada pa core rond traha leu a leu. Pero un maneho malo cu Minister di Husticia tin cu actua lo mas pronto posibel, scarcedad di Uniform, pa Polisnan nobo cu a drenta klas a dura basta tempo pa haya uniform y otro material cu tin cu usa pa pone e arma, boei. Paperspray caduca no ta busca mes y hasta e training pa Polis a baha man unda pa un grupo so tin training constant.

Auto

Por a tuma nota cu polisnan ta menos den autonan prado pa patruya y brinda e SERVICIO cu a ser bisa. Autonan ta daño constant, ora polisnan kier bay caso di urgencia y ora brake e stuur ta bati debi cu e mantencion di auto no ta na e calidad pa un auto policial. Mientras hefenan ta haya auto nobo patruyanan ta bay atras, hasta e polisnan di bario falta auto unda nos a tuma nota cu e mando policial no ta dunando atencino na e Polisnan di bario y su post y falta di material pa basta aña.

 

Auto den beslag

Ora polisnan kier tuma un auto den beslag cu no tin seguro, of belasting paga y of chauffeur cu no tin rijbewijs mes casi nunca por tuma un auto den beslag, debi cu no tin luga na warda di Balashi of wardanan di Polis debi cu no tin e maneho di leiding y actua manera ley ta bisa despues di tanto tempo polis por laga destrui e auto y deshaci di nan pa haya mas luga.

Miedo pa maneho nobo

Mientras ta conoci cu for di final di aña Alto Comisario actual Sr. Richardson Dolfi a bisa di lo kier entrega su puesto pa e haci algo otro cu ta un departamento di cual minister anterior a promete pero nunca a cumpli pa e departamento aki bira realidad y tranca tur cos pa Sr Richardson bay. Tur cos ta mustra luna venidero lo bin un maneho nobo den Cuerpo Policial cu lo bay trece aire fresco segun informe cu nos redaccion a haya. Procesonan ta canando lo por conoce cambionan y mas despues un Alto Comisario nobo.

Mientras cu ta papia di INTEGRIDAD, cierto hefenan boton di oro ta tapa cosnan iregular cu otro colega ta halto ta haci y tin denuncia haci y ora un di puesto abou haci malo ta castiganan, schorsnan pa lunanan largo y te hasta pa 1 aña.

Mientras tin algun polis ta disgusta con un polis femenino trahando pariba ta pasa rond na coleganan pa firma un papel pa Trudy Hassell no bira e Alto Comisario, mientras hopi cu a haya les di Trudy Hassell ta contento con e ta duna su les na scol di polis y hasta ora Sra Hassell subi caya e tin un respet pa e coleganan y ta traha manera mester. Segun nos fuentenan hopi tin miedo pa Trudy Hassell bira e Alto Comisario pasobra fiesta lo caba, mescos cu Politica ora tin gobernacion nobo cu fiesta lo caba asina lo bay ta pa e cuerpo.

Nos tin e siguransa cu Minister actual di Husticia kier bira un cuerpo policial mas ekipa, autonan ekipa pa Polis, y mas polis riba caya y un team tremendo cu ta keda apoya pa hefenan y no desmotiva e polisnan.

1 COMMENT

  1. Fiesta tin cu caba…
    sra Hassell trece e disciplina bek…semi-militar

    Spera Aruba lo ta cla pa sra Hassell como alto comisario, pasobra KPA sigur no lo ta!

    Pa’bo crece den KPA e no mester ta “who you know” si no e mester ta: “what you know”!!!
    Bai pe sra Hassell

LEAVE A REPLY

Please enter your comment!
Please enter your name here