Polisnan na Boneiro cu accion contra di esnan cu ta fever

0

Kralendrijk Boneiro: Riba djasabra 10 di desèmber pa mas o ménos 6or di atardi personal di KPCN a  tene un akshon riba  Kaya Statius van Eps (kaminda ku ta bai Sorobon) relashoná ku ponementu di ‘fever’ i pustamentu riba e kaminda aki. Durante e akshon aki polis a konfiská un quad , dos skuter i un bròmer.

 

Tambe a detené dos persona na e sitio, tur esaki ku aprobashon fiskal. Manera ya a anunsiá na vários okashon, ponementu di ‘fever’ i pustamentu sigur tin atenshon di Triangulo Boneiru (Ministerio Públiko BES, KPCN i Gezaghèber). Pues un atvertensia ta bai atrobe na esunnan ku ta partisipá na ponementu di ‘fever’ i pustamentu, pa tene kuenta ku polis lo sigui tene e tipo di akshonnan aki.