Diaranson atardi un homber a presenta na warda di Polis y informa autoridad cu desconoci a los basta tiro riba su auto. Recherche di San Nicolas acompaña cu mas polis a presenta na e area dilanti di Calidad Supermarket y cera e caminda. E oficialnan canando na pia a topa cu basta huls benta riba di caminda.
Un auto lo a keda tuma den beslag, y departamento forensico tambe a presenta. A tuma tur e hulsnan den beslag, ta mustra cu ta un arma automatico a ser usa pa los e tironan aki. Recherche tin e caso aki bou di investigacion.