Den fin di siman pasa, Polisnan di Oranjestad a tene un accion di listramento preventivo den varios area. Un cantidad di Polis a subi caya, cu ordo di Hues Comisario y Fiscal y asina a listra tur hende den e areanan conoci. Na tur a detene 9 persona pa ta den posesion di droga, a detene 19 stranhero indocumenta, a detene 1 persona pa menasa, 2 chauffeur burachi y a topa cu un hoben di apenas 16 aña di edad cu un bala cayente caliber 22 den su poder. E tipo di control nan asina lo continua, pa cual ta adverti ciudadanonan pa tene nan mes na leynan vigente.