Diabierna anochi for di e parkeer plaats di Renaissance Market Placer un homber a horta un pickup s-10 y e señora doño di e auto a mira e ladron bay cu e auto y a raporta na Polis. E señora tabata basta spanta di e sucedido y e ladron a bandona e sitio bay ariba. Polis a keda informa den e momento ey di un pickup coriendo iresponsabel caminda di Seri Tijshi pa San Nicolas. Patruyanan a actua basta lihe pa logra yega den e area y caminda di Pos Chikito bay ariba a persigui e pickup. Te banda di Savaneta altura di Kazerne a blokia e auto y asina detene e chauffeur cu ta mustra un persona hoben, e pickup a keda tuma den beslag pa investigacion.