TREBES, Francia- E homber arma cu a tuma varios persona como rehen den un supermarket di zuid di Francia a wordo mata door di polisnan. Esaki a wordo informa door di e minister di Interior, Gerard Collomb.
Segun e prome reporteann, e atacante, identifica pa autoridadnan como Redouane Lakdim, de 26 aña, a mata al menos tres persona y a herida varios mas den tres incidente separa, cu a cuminsa na Carcassonne.
Eynan el a secuestra un auto, matando un pasahero y heridando e chauffeur.
Tambe na Carcassonne el a tira contra polisnan, heridando un di nan, aunke no tabata di gravedad. Esaki a wordo informa door di medionan Frances.
Despues el a bay te Trebes, na 15 minuut di Carcassonne, unda el a tuma varios rehen den un supermercado, matando al menos dos persona.
Decenas di polis a desplega den e area y finalmente a mata e atacante, cu a bisa cu e ta pertenece na e Estado Islamico.
E minister di Interior a bisa cu e atacante tabata tin antecedente pa uzo di droga y crimennan menor, pero nan no tabata sa cu e tabata radicalisa.
Fiscalia anti – terorismo ta investigando e echonan.
Segun informenan, e atacante tabata fuertemente arma y a demanda e liberacion di Salah Abdeslam, el sospechoso mas importante cu a sobrevivi e atakenan di Paris na november 2015.
Na januari 2015, un yihadista a mata cuater persona den un supermarket di Paris.
Fuente: http://www.bbc.com