RIYAHD, Saudi Arabia- Forsanan di siguridad di Saudi Arabia a frustra un plan terorista pa realisa un atentado den e Gran Meskita di Mecca. Esaki a wordo informa door di e ministerio di interior di e reino, cita pa television estatal.
Segun e vocero ministerial, Mansour al Turki, e atake a wordo planea pa tres grupo terorista, dos di nan cu sede na Mecca y e di tres na Yeda.
Den un operacion haci door di polisnan pa impedi e atentado, un atacante suicida a cera su mes den un cas. E terorista a cuminsa tira ariba e agentenan, despues di cual el a rementa su mes, heridando seis civil y cinco miembro di e forsanan di siguridad.
Cinco persona a wordo deteni relaciona cu e caso.
Diabierna forsanan di siguridad Saudita tambe a neutralisa otro presunto terorista y a detene su complicenan den e bario di Al Aseelah di Mecca. E sospechoso a wordo mata durante un tiroteo cu polisnan.
Fuente: www.actualidad.rt.com