Durante ora di scol diahuebs, pa mas of menos 11’or y 35 di mainta, patruya di Santa Cruz ta wordo manda na Colegio San Antonio pa un persona indesea. Na nan yegada, e mucha homber no tabata tey mas na e sitio. A papia cu un colega, kende a conta cu e hoben tabata tin un tshirt berde y un carson cortico y cu e tabata stroba e muchanan di e scol. Tambe e colega a declara cu e hoben a cana bay direccion zuid. Patruya a bay tras di e cas net dilanti di Colegio San Antonio. Eynan nan a bin topa cu dos studiante di e scol. Ora cu a bay papia cu nan, nan tabata hole marihuana. Ambos studiante ta menor di edad. Den cuadro di esaki a dicidi di hiba e dos damitanan aki warda di polis, caminda cu lo pone nan mayor na altura di un ke otro. Bureau slachtofferhulp, Comandante na Warda y Central a wordo poni na altura.