Nos ta drentando dianan di fiesta caminda cu sigur polis lo bay ta basta activo, pa cual aki Sra. Liliana Rasmijn vocero di polis ta splica casonan cu nan ta desea pa no pasa mas.
Ta un temporada druk hopi druk. Ta masha hopi accident tin den weekend, danki Dios cu no ta nada grave, pero e dañonan material si ta grandi. P’esey mes Cuerpo Policial ta keda recorda e pueblo di Aruba, pa tur e papelnan na ordo, pasobra cu controlnan ta sigui. Si tin mucha chikito, manera durante control, ta haya muchanan chikito para mei mei of sinta dilanti. E mayor cu ta stima su yiu, busca un carseat pa e mucha, y pa e ta bon instala.
Tambe tin hopi christmas dinner tumando luga, pa cual Cuerpo Policial ta duna un mensahe pa e chauffeur pa busca un amigo DIDI, pa si bot a stuur bo no mag di bebe y si bo ta bebe bo no mag di stuur. Esaki tambe ta bay ta un di e controlnan. Tambe e controlnan ariba celular lo sigui, aunke leu a leu ta topa cu nan. Control ta sigui pa siguridad di tur hende.
Pa loke ta un mucha chikito, por busca un carseat, tambe un booster, cu ta sigui cu e mucha te ora cu e crece. Esaki ta pa siguridad di e criatura. Bida di un yiu no tin un prijs pa pone ariba dje. Sra. Liliana Rasmijn por ultimo a bisa cu durante e ultimo control, ta haya hopi mucha sinta dilanti cu e mayor. Esey ta inacceptabel, ya cu desgracia por pasa na unda menos bo ta pensa.