MANAGUA, Nicaragua – Nicaragua ta biba otro jornada di tension den e cayanan di su capital. Esaki ta door di e protestanan den henter e pais contra di e reformanan di e sistema di siguridad social casi bancarota. E protestanan ta wordo reprimi cu duresa pa polis y gruponan colectivo di e gobierno Sandinista.
E protestanan contra di e reformanan diahuebs a expande for di Managua pa otro ciudadnan. na Mayasa, sur di e capital, un centenar di persona a marcha, pero a wordo agredi pa simpatisantenan di gobierno.
Pa di dos dia consecutivo, e studiantenan y otro sectornan a sali ariba caya pa reclama contra di e reformanan den e sistema di hubilacion y pension. Polis y gruponan colectivo simpatisante di e gobierno sandinista a golpia e manifestantenan salbahemente.
Na Managua, studiantenan di universidadnan publico a manifesta desde nan diferente universidadnna. Polis Nacional, a trabes di brigadanan di Direccion di Operación Special Policial (DOEP) a responde na e protestanan tirando balanan di rubber y gasnnan lacrimogeno.
Diahuebs mainta, Crus Cora a atende 20 herido, entrenan un studiante di e Universidad Nacional Agraria (UNA) cu a perde un wowo door di e bala di rubber.
Alumnonan di UNA, di e Universidad Nacional di Ingenieria (UNI) y Universidad Politecnico di Nicaragua (Upoli), un di esunnan mas grandi di Nicaragua (Upoli), ta protestando pero ta wordo repremi door di polis.
Tur e actividad academico a wordo suspendi y universidadnan priva como Unica ya ta wordo rondona door di agentenan.
Rond di 11 or y 15 di mainta, “gobierno a duna ordo na empresanan di cable pa suspende e transmision di e canal 100% noticia.
Fuente: https://www.infobae.com/america/