Diasabra marduga, durante patruya den Caya Saba, polis a mira un homber cu a bay sinta den un auto, cu tabata practicamente un auto kibra. El a bay sinta na luga di pasahero. E porta tabata habri y por a mira cu e tabata tin su pia robes saca afo. Ta trata aki di un Daweoo Lanos color cora cu no tabata tin un wiel drechi patras.
E homber a bin resulta di yama JS. Den cuadro di esaki, polis a bay control’e. E tabata tin un sker den su man. Polis por a mira entre e asientonan y e console di e auto un saco di plastick doorzichtig cu un gran cantidad di marihuana. Den cuadro di esaki e sospechoso a wordo deteni. E sospechoso S. a wordo hiba cu transportwagen pa warda di San Nicolas. El a wordo presenta dilanti fiscal auxiliar. E saco di marihuana a wordo confisca y despues entrega na personal di UGC.