Durante un control rutinario den cercania di Olde Molen, agentenan policial a wordo acerca door di un di e security guardnan. E la conta polisnan cu tabata tin un pelea andando. Polisnan a bay di biaha pa tira un bista riba kico tabata pasando. Na mes momento ta wak un di e securitynan ta saca un homber p’afo. E homber aki tabata den e parkeerplaats y a bira masha agresivo y polisnan a purba di papia na un tono calma cun’e, pero e tabata hopi agresivo. E agentenan policial a nota cu e homber aki tabata hopi bou di influencia, sea di alcohol of di droga.
E homber aki a wordo deteni a base di articulo 3.52 y a wordo presenta dilanti di Hues Comisario, kende a duna ordo pa duna e homber aki un cuarto gratis.