A puntra Minister Dowers kico ta bay pasa awor aki polis no por tuma accion aki pa cu ilegalnan. E ta splica.
Esunnan cu ta autorisa, no por haci’e manera cu prome cu 2008. Antes tabata otro, caminda tabata bin bus, baha tur hende. Y ta e mesun gobierno cu tabata haci’e a bin cu e ley, pa para esaki. Minister no por imagina su mes, cu e vocero policial a bin haya sa aworaki di e ley aki. Pero esey no ta cuadra, cu for di 2008, esunnan cu ta envolvi den trata y control di stranhero, por haci’e solamente na un luga stipula, door di e ley.
Pero mirando e situacion na nos bisiña pazuid, e persona mes por bay abogado, y denuncia cu a viola su derechonan. E ley aki semper tabata existi, tin algun punto den ley cu ta den proceso di cambio. E stipulacion aki ariba su mes, no ta duna problema. Un biaha mas e minister ta bisa, cu mañan e por duna autoridad na polis pa haci control ariba stranhero. Polis por wordo pidi of ta wordo pidi, pa compaña cu esun cu ta haci e control.
Polis ta controla al pie de la letra. Polis hunto cu Departamento di Vreemdelingentoezicht, por tene control ariba ilegalnan. Ta importante pa realisa, cu den ley tin e posibilidad, caminda cu por bay e combinacion di polis y vreemdelingentoezicht, caminda den cuadro di ley, por tuma articulonan den un negoshi, pa haci analisis, y si constata cu tin cosnan contra ley, por pasa esaki tambe pa polis pa haci e investigacion. Si polis mes, lo mester haci’e, nan lo mester pidi e Fiscal Auxiliar pa haci esaki. Siendo den cuadro di Vreemdelingentoezicht, nan por haci e controlnan aki, sin e machtiging di e Fiscal Auxiliar. E ley aki tin su puntonan bon y esunnan menos bon. Tin cambionan den tapara, pero ainda tin analisis andando, si por of no por, den cuadrdo di tratadonan internacional, si por haci e control ariba ilegal, tur caminda, na tur ora. Esey ta e punto di discusion actualmente, segun e minister.
Pero awe Warda Nos Costa no ta manera antes cu tabata tuma accion contra ilegalnan pero awendia esaki ta un Cuerpo chikito. Tempo cu MEP a lanta Warda Nos Costa, nan a lant’e manera bruha. A bin cu problema cu Merca y Hulanda, ya cu tabata tin duda, den e integridad den e Cuerpo aki. E motibacion no tabata ta, pa reinforsa Warda Nos Costa. E razon pakico a dicidi cu no ta mantene manera e tabata ta, ta basa ariba conseho di Partido MEP pero tambe Wetgeving cu bo no por djis yega di para ken bo haya gana di controla. E discusion tabata ta, cu si kier haci esaki na manera obhetivo y e ora ey lo mester bin cu identificacion obligatorio. Ta importante pa hendenan keda consecuente ariba loke nan ta haci. Cu mester a cambia LTU pa a duna e departamento cu nan a lanta, conforme of en contra di ley. Contra di e tratadonan internacional y e trece problema den Reino.
E ley ta den concepto pa wordo cambia y ta analisando ainda, si por si e no ta en pugna cu tratadonan internacional, si por mantene selectivo ariba caya. Por cambi’e prome cu recess. Segun e minister, e ley aki no ta stroba di mantene e ley di stranheria. Ni Warda Nos Costa no por mantene e ley di stranheria, ariba caya. Nan por mantene, manera cu e ta stipula den e ley, segun minister di Husticia, mr. Arthur Dowers.