Actualmente, un polis no por pidi un ciudadano pa duna su datonan personal. Sra. Clarisca Velasquez ta amplia mas ariba esaki.
Parlamentario pa partido AVP, Sra. Clarisca Velasquez ta di opinion cu lo mester wak si gobierno tin e ley aki pa wordo trata, of sino Parlamento mes por haci di su parti. Pero ta importante pa e ley aki bin na vigor, pasobra cu polisnan tin e autoridad, pa puntra tur hende cu ta riba caya, sin cu bo ta sospechoso. Pasobra ora di un sospechoso, e persona ta obliga di duna su datonan personal. Di otro manera, polis no por puntra asina no mas pa datonan personal. Ta hopi importante pa e ley aki bin na vigor, pa polis por puntra pa identidad.
Proximamente Parlamento lo bay trata e ley di LTU, pa controla ilegalidad ariba caya y ta kere cu esaki lo bay hunto, paso no ta tur ora hende ta sospechoso polis tin autoridad pa puntra pa datonan personal. Aunke cu e persona no ta sospechoso, polis mester por tin cierto autoridad pa pidi pa datonan personal.
Ultimamente tin hopi atraco tumando luga, y Sra. Velasquez a splica cu ta gobierno tin tur e capacidad pa tur e huristanan cu por traha ariba e ley hopi mas lihe cu Parlamento. E ta un autoridad cu Parlamento por traha ariba dje, pero prome lo mester check si gobierno no ta trahando ariba dje caba.
Por ultimo, Sra. Clarisca Velasquez a bisa cu lo mester cuminsa traha preventivo y pa esaki tur e leynan mester t’ey pa por haci uzo di nan.