MADRID, Spaña – Polis nacional no a observa menasa, lesion ni indicio di agresion di e ex futbolista, Diego Armando Maradona riba su amiga durante e actuacion di e agentenan diaranson mainta na e hotel Madrileño unda cu ambos ta hospeda, fuentenan policial a apunta na Europa Press.
Tur cos a sosode minuutnan prome cu 8’or y mey di mainta di diaranson den hotel Eurostar Suites Marisierra. E director di e hotel, siguiendo protocol, a yama na e telefon di emergencia indicando cu e famoso exhungado di 56 aña, lo a golpia e persona cu kende e tabata comparti su camber, Rocio O. di 26 añam segun e mesun fuentenan.
Te na e luga a acudi inmediatamente un ambulance y unidadnan di Polis Nacional. E agentenan a subi na e camber di ambos, pero e supuesto persona agredi a señala cu “tabata trata di un malcomprondemento,” cu solamente a mantene “un fuerte discusion” y cu no lo bay duna keho contra dje.
Polis tabata papiando cu e pareha separa durante varios minuut y no a observa señalnan externo, ni menasa ni indicio di agresion, pa loke e paramediconan no a subi pa e camber, di cual no tabata tin nada di lesion.
Di su parti, Maradona no a wordo deteni ni imputa.
No obstante, Polis a habri e corespondiente escrito informativo, caminda cu por deriva interogatorionan nobo of un investigacion di oficio. Tambe nan por aparece testigonan cual testimonionan lo habri liñanan nobo di actuacion. Te na e momento, e agentenan a papia ya cu varios trahado di e establecimento.
Maradona, cu ta na Madrid pa presencia e partido di futbol di Champions League entre Real Madrid y Napoles, ya a protagonisa ayera un otro incidente den e mesun hotel, caminda cu nan a aloha e futbolistanan Italiano. “El Pelusa” a menasa supuestamente un periodista bisando: “mi no a dal bo, si mi dalbo, no ta keda ningun nanishi” y “Si mi dalbo mano a mano, mi ta kibrabo, kerido.”
Fuente: http://www.elcorreogallego.es