Kralendijk Boneiro: Aki ta sigui e noticianan cu Polis a brinda asistencia na Boneiro.
Detenshonnan despues di atrakonan resien
Un investigashon di polis a kondusí na detenshon di kuater sospechoso. Ministerio Públiko BES a duna outorisashon pa esaki. Tres di e personanan detené ta sospechá di a tira mas atrako. E investigashon ta den ful spit. No te ekskluí ku lo por tin mas detenshon.
Kompra di kos hòrta ta kastigabel
Manera a mèldu anteriormente, a bai ku karchinan di telefòn. Segun artíkulo 431 for di e ‘Wetboek van Strafrecht BES’ kompra di artíkulonan hòrta ta kastigabel. Si polis topa ku artíkulonan hòrta nan por hinka e kumpradónan di e artíkulonan tambe den e proseso. Enkubrimentu (heling) tin un kastigu di prisòn di maksimal 6 aña òf un but di plaka pisa.
Pues sea atento
Abo mes tambe por hasi algu pa un ambiente seif. Ora bo mira ku algu ta wòrdu bendí i bo tin e sintimentu ku algu no ta kuadra. Òf e kompra ta muchu bon pa ta bèrdat, mèldu esaki na polis. Nan por investigá di unda e artíkulonan ta bin.
Detenshon den dos kaso kaminda ta papia di maltrato
Den e kaso di un establesimentu nokturno na Playa kaminda tabata trata di maltrato ku un arma, tambe a detené un sospechoso. Ademas den komienso di febrüari, a detené un persona en konekshon ku maltrato pisa i destrukshon.