TEXAS, Merca – Un agente policial Mericano a tira mata un hoben Afro Americano desarma den e estado Mericano di Texas, kende tabata sinta den un auto despues cu el a bin di un fiesta, durante e fin di siman cu a pasa. Esaki sigur ta un punto abao den violencia policial contra Afro Americanonan na Merca. E hoben Johan Edwards, di 15 aña, tabata hunto cu su amigonan diasabra ultimo na un fiesta ora cu agentenan a ricibi un melding riba “hopi mucha menor di edad burachi.” E agentenan na e sitio lo a scucha tiro na e sitio, asina e declaracion di cuerpo policial local a zona.
Mientras tanto, Edwards y su amigonan a dicidi di bandona e fiesta y e grupo a subi un auto y a bay. Polis a cuminsa tira riba e auto. Cu su arma, e polis responsabel a tira varios tiro den direccion die auto. Edwards, kende tabata sinta na banda di pasahero, a wordo raca na su cabes y a fayece na e sitio.
Segun polis, e auto den cual e hobennan tabata sinta aden, apesar di e advertencianan, lo a core bay den direccion di e agentenan y e polisnan tabata sinti nan mes menasa. Material videografico, sinembargo ta mustra otro. Un dashboard camara a mustra cu e auto tabata core bay den un otro direccion, asina medionan Mericano a meld.
E agente responsabel a wordo poni na un funcion administrativo. No ta cla si pasonan contra e homber a wordo tuma. Parce cu esaki ta e di tanto biaha cu agentenan Mericano ta tira mata sospechosonan di color sin tin mester.
Fuente: De Telegram