Durante patruya riba J.E. Irausquin Boulevard, na altura di ex Señor Frogs, polis a mira un KIA Picanto color blauw ta core direccion zuid. Dicho auto no tabata tin luz cendi. Den cuadro cu esaki, polis a dune señal pa e para cual chauffeur a cumpli cu esaki. Ora cu polis a acerca e auto, nan a haya holo manera di marihuana. Ora a yega cerca di e auto, polis a constata cu e holo tabata bin for di e auto. Den e auto tabata tin dos persona. E chauffeur yama L y e homber G., ambos a wordo pidi pa sali for di e auto. Polis a pidi e chauffeur pa duna e marihuana. E chauffeur a duna polis un tas chikito di cometica cu contenido. Den dje polis a haya varios saco di marihuana. Den cuadro di esaki, a detene tur dos y a hibanan na warda di Strandpolitie. E auto a wordo hiba na warda pa mas investigacion. Central a wordo poni na altura.