E problema cu tin cu e adictonan ambulante ta cu nan ta molestia bishitantenan di centro di ciudad. Nan ta kibra drenta den luganan y personanan cu ta para auto patras den caya grandi, aki tambe nan ta causa molester.
Ultimo temponan e adictonan ambulante ta causando hopi molester den supermercadonan, KFC y diferente otro luganan. Y ta p’esey a bin cu e proyecto aki, hunto cu otro instancianan pa cuminsa con por traha un file di cada uno di e adictonan ambulante pa wak con por cuminsa actua cu nan.
Pa e adictonan aki, por yama 5273156, e liña direct di Polis di Bario, Vos y su mesun persona lo bay actua di biaha. Esaki ta pa alivia e patruyanan mas. A para bira ultimo temponan cu patruyanan ta mas bezig atendiendo e adictonan aki enbez di nan trabao mes.
P’esey a bin cu e plan aki, pa alivia e patruyanan tambe. Hopi di e adictonan kier bay tuma tratamento, pero tin ta bisa cu toch nan kier pasa Carnaval of otro excuus. Entre diaranson cu diahuebs, tres adicto ambulante a wordo kita for di caya, y asina cuminsa e proceso pa haya nan tratamento pa nan recuperacion.