Diasabra den careda di 2 or marduga patruya di Oranjestad a presenta cu urgencia na Sero Patrishi unda un homber ta batiendo dos dama seriamente. Patruya a presenta na e sitio y haya e homber tin e damanan riba vloer ta agrediendonan.
Alto Comisario di Polis tambe tabata presente y asina e oficialnan a detene e homber y a tuma un piek den beslag como cu esaki tabata den e cas, banda di unda e homber tabata agredi e damanan. Recherche di Oranjestad tambe tabata na e sitio. Dog Catcher a presenta bay cu e detenido, y polis a papia cu e dama cu tabata trauma di e sucedido.