BRUSSEL, Belgica – Un hoben, kende a ocasiona aña pasa October caos na Belgica, door di a meld varios melding di bom, a keda deteni y encarcela. Riba e meldingnan di informacion falso riba atentadonan terorista, tin un straf di prizon di tres luna pa 2 aña, segun Ministerio Publico na Brussel a informa diaranson.
Despues di e meldingnan di bom di dia 5 di October, e stacion Brussel-Noord y edificionan di corte den e capital Belga, a wordo evacua. Tambe e stacion y e aeropuerto di Charleroi lo mester a wordo afecta, segun e homber, door di explosivonan.
E meldingnan lo a percura pa mas di cuater ora di retraso pa biaheronan di trein. Servicionan di emergencia tambe lo a sufri di esaki. Cinco dia despues, e homber a bolbe meld di un bom riba un otro edificio di corte na Brussel.
Polis a logra haya e sospechoso cu ta for di Namen via su IP adres. Companianan di trein kier pa e sospechoso cubri tur daño.
Fuente: ANP