YULIN, China – Polis Chines a evita cu por lo menos 500 pushi a caba na wordo cushina den varios restaurant den e pais y ofreci na clientenan como pati di nan menu, despues di a wordo horta for di su propietario of gara riba caya.
Segun e website Chines “Wwangyi”, a publica, autoridadnan a detene durante fin di siman un homber di e provincia oriental di Jiangsu cu supuestamente tabata tin planea pa bende nan na establecimento di e otro regionnan.
Polis a descubri e ciudadano aki ora cu e tabata transportando e animalnan y parce cu e tabata dedica na e negoshi aki pa un tempo. Uzando un parha como haas, e homber supuestamente tabata gara e pushinan riba caya of di algun propiedad, pues entre e felinonan cu e tabata ofrece na restaurantnan, tambe tabata tin animalnan di compania y e tabata bendenan pa un prijs di mas of menos 30 yuan (mas of menos 4 dollar of euro) pa un.
Apesar di loke hende ta kere, no ta hopi habitual come un pushi of un cacho na China, aunke den algun zona, nan ta sigui ta un plato tradicional. Esey ta e caso di e ciudad meridional di Yulin, cu cada aña nan ta celebra un festival di carni di cacho hopi critica nacional y internacionalmente, caminda cu nan ta yega na sacrifica miles di e animalnan aki, mayoria di nan mascota di compania horta of cachonan di caya di higiena dudoso, proveniente for di tur skina di e pais, segun ONG Humane Society International, ta denuncia.
Fuente: http://laestrella.com.pa