AMSTERDAM – Un demostracion na Amsterdam di Hulandesnan Turco cu ta rabia riba e ministernan Turco cu a bin haci campaña, a wordo caba pa Mobiele Einheid diadomingo anochi. Seis demostrante a wordo aresta.
Mas of menos 250 demostrante a wordo cori cu cañon di di awa pa mas of menos 11’or y mey di anochi.
Alcalde Eberhard van der Laan a caba cu e demostracion a base di estorbo di orden publico y siguridad di trafico, esey ta loke gemeente a laga sa.
E protesta, a base di e conflicto diplomatico entre Hulanda y Turkia, a cuminsa merdia na un manera pacifico, pero despues e esfera a bira mas scur.
E grupo tabata stroba trafico door di blokia caminda y crusadanan. Tambe vuurwerk a wordo tira y e demostrantenan tabata ignora di sigui indicacionnan di polis.
Violencia publico
Polis a laga aresta cuater hende durante e anochi. Uno door di haci un saludo di Nazi y expresa cantonan nazistico, dos pa disturbio, y uno pa insulta un agente policial.
Despues dos hende mas a wordo deteni door di tira piedra y comete violencia publico.
Gemeente a indica cu polis a ripiti tras di otro a bisa e demostrantenan cu e alcalde, debi na e miedo di disturbio di orden publico, lo caba cu e demostracion si e protesta voluntariamente no caba.
Ora cu no tabata tin oido na esaki, e protesta a wordo caba y polis a cay aden.
Fuente: Nu.nl