Diasabra marduga Centrale Post ta manda un patruya pa Hyatt Resort pa un bringamento. Akinan polisnan ta papia cu e cabayero K., cu ta declara cu e tabata sinta na un mesa di blackjack, ora cu el a haya un discusion cu e croupier di Casino. Un cabayero desconoci pa nan, G.P. tabata sinta na e mesa di roulette y a scucha e discusion. Segun su version, K. lo a insulta e crouper y G.P. a bis’e pa e comporta su mes. Ambos cabayero a haya un discusion cu otro cu a bay for di man. G.P. a lanta for di mesa di roulette y a cana bay na e mesa unda K. tabata sinta y a gar’e na su nek. Yiu di G.P., C.P. tambe a cay den e discusion pa cual a dicidi di yama polis. Polisnan a scucha varios testigo y tambe di e croupier cu K. tabata esun cu a cuminsa cu e pelea door di insulta G.P. y reta esaki.
Polisnan a papia cu ambos y a splica nan e situacion. Despues di un combersacion cortico, ambos cabayero a duna otro un man y asina a cera paz.
Centrale Post a wordo poni na altura.