Durante cu polis tabata patruyando, na altura di Blue Residence nan a mira dos hoben riba bicicleta sin luz. A para nan y a controla e personalia di nan. Un di e hobennan aki yama BJG biba na Madiki Kavel y e otro yama AYA biba na Bushiri. Ambos hoben ta menor di edad. Polis a mira cu un di e hobennan tin un paardenstaart y un di nan tabata tin un pechi. Nan tabata cuadra cu e descripcion cu Central a duna prome riba e dos hobennan riba bicicleta, kendenan a haci co’i tribi cu un dama na altura di Riu Antillas. BJG ta e hoben cu e paardestaart largo. A puntr’e si el a mishi cu un mucha muhe, y el a contesta cu si, y cu nunca den su bida el a mira un mucha muhe asina bunita. BJG a haya un bon skwal y a wordo informa cu un keho a wordo haci. E bicicletanan a wordo confisca debi na e luz. Polis a informa cu su mañan nan por bin cu nan mayornan pa busca nan bicicleta. Despues di esey e hobennan a cana bay. E bicicletanan a wordo poni na e warda di strandpolitie.