Diaranson anochi riba e caminda di St.Cruz dilanti JR Autocenter a sucede un accidente entre un Nissan Sentra shinishi y un Toyota Yaris. E Sentra tawata core tras di e Yaris pero kier a bay pasa e Yaris na su banda drechi pero ta pasa dal den e Yaris y sigui core bay.
Pa mala suerte di e Sentra un patruya di trafico tawata biniendo di direccion contrario y a wak tur cos. Di biaha a start un persecusion y un tiki mas pariba di e crusada di Cas Ariba den e bocht polis a logra para e auto. E dos ocupantenan a core baha for di auto y drenta mondi. Polis a tuma e auto den beslag pa mas investigacion.
E number no ta cuadra cu e auto pero den e auto polis a haya identificacion di e ocupantenan benta. Nan lo mester bai para responsabel pa nan acto nan. Bon trabou di e patruya. No tawata tin herido. Daño material ta minimo.