Diahuebs merdia patruya di Santa Cruz a bay na un cas na Sero Compa unda nan a keda informa cu lo tin personanan lo ta bahando un dak di cas di asbest den forma iresopnsabel na un cas net banda di e crusada di Kadushi Largo.
Mesora DTI hunto cu patruya di Santa Cruz a bay na e sitio. Na yegada di berdad ta topa cu dos persona bahando e plachi di asbest nan y tawata tin e dak casi ful baha. Mesora DTI a cuminsa cuestiona nan di nan forma iresponsabel. Nan no por a duna mucho informacion ya cu posibelmente nan ta dos persona ilegal riba nos isla y nan no sa con yama e doño di cas.
Polis a detene nan y hiba nan warda pa asina sigui investiga ken a duna nan ordo pa baha e asbest nan den forma iresponsabel. Mester menciona cu e plachi asbest nan ta bira un peliger na momento cu nan wordo kibra y ta esei ta loke netamente e hende nan ki a haci di tira tur e plachi asbest nan abow y kibra nan na pida pida asina formando peliger pa e bisañanan y te hasta mas panort tin dos scol un kleuter y un basis.
Na e sitio e doño di e cas no tabata presente y polis lo bai saca afor ta ken ta e doño pa asina para responsabel pa su actonan. E procedura ta cu mester avisa DTI ora ta bai baha un dak di asbest y asina hunto cu coordinacion y supervision di DTI y tambe e compania cu lo haci e trabow mester ta uno certifica pa por casi e trabow ey. DTI ta pidi pa e bisiña nan den e dia nan aki no sali hopi pafo.