Diamars mainta persona nan pasando banda di e edificio unda tawata Wema na L.G Smith Blvd a mira un adicto ambulante ta bezig ta cortando wayanan di koper. Di biaha e persona nan a avisa polis y un patruya di playa a ser dirigi pa e sitio. Na e sitio polis ta topa cu e adicto cu un tas yena cu basta waya di koper aden. Polis ta detene y dogcatcher a presenta pa hiba e detenido warda. Persona nan encarga cu e edificio a presenta y haci denuncia mesora. Polis a tuma dato. Poco dia ey durante patruya polis a topa cu e adicto aki ta kima koper pero no tawata sa di unda e la haya e koper nan. Porta cu e adicto tin basta dia ta bin horta koper na e edificio aki.