Dialuna marduga central di polis ta haya un yamada cu lo tin un homber canando cu un cuchiu den su man den vecindario di Archimedesstraat. Polis di playa ta controla den vecindario y ta topa cu un Toyota Yaris berde cu un homber aden den Nobelstraat. Polis a para e auto pa un control y aki ta unda a bin haya e chauffeur cu un machete. Ora polis a puntre pa su nomber e la duna polis diferente declaracion y cada biaha ta cambia su fam. Aki no a keda nada otro pa polis detene pa tin un arma blanco den su poder y ay averigua su nomber y fam corecto na warda. Polis a tuma e auto tambe den beslag ya cu e auto no tin niun papel na ordo.