Polis a detene homber cu arma di candela den su poder

0

Willemstad Curacao:Djadumingu 7 yanüari 2018 alrededor di 17.35 or un patruya di Mantenshon di òrden públiko tabata patruyá den e área di Berg Altena i dado momento a nota un outo ku su glasnan dilanti hopi skur ku apenas por a wak e shofùr. E patruya a para e outo aki den e área di Steenrijk. Durante di e kòntròl aki polis a nota ku e shofùr ta aktua hopi nervioso i a disidí di hasi un investigashon mas profundo riba arma di kandela. E shofùr na e momento ei a deklará ku e tin un arma di kandela den e outo i ku e arma di kandela aki ta den su tas ku ta riba stul di e outo.

Mesora e polisnan a haña i konfiská un pistol ku tabata den e tas indiká i a detené e homber sospechoso aki, C.T.C.S., nasé na Kòrsou, 22 aña di edat pa poseshon ilegal di arma di kandela.

A presentá e sospechoso dilanti di un Fiskal Ouksiliar ku na ordená su enkarselashon pa mas investigashon