Recientemente Cuerpo Policial Aruba a termina cu e proyecto exitoso “Kwihi Ambulante”. A realisa e proyecto aki riba e tereno na Paradijs y awo e tereno ta completamente limpi. Polisnan di Oranjestad, encabesa pa Polis di Bario, Mayor Vos, a realisa e proyecto cu sosten y colaboracion di DOW, Serlimar, DIP y DMT.
A reuni e adictonan cu tabata riba e tereno aki cu nan famia, pa por a cuminsa traha riba e proyecto. E adictonan aki ta interna bou curatela na Paradera y no ta causa molester pe bario. E habitantenan ta masha contento awor y ta gradici cu e proyecto aki, pasobra pa varios aña nan ta victima di molester.
Regularmente ta manda patruya di Polis pa atende cu molester di adictonan ambulante, pelea, ladronicia, huma, holo, molester di desordo, etc. E vivienda aki ta riba un tereno cu ta cera cu palletnan, pero tambe tin mata di Kwihi riba e tereno aki. Pa mira e vivienda aki desde caminda tabata dificil, pa motibo cu e ta scondi pa e matanan di Kwihi.
A haci uzo di palletnan pa traha e vivienda y tambe tabata haci uzo di e tereno como luga di warda cos di cual chollernan tabata sconde sushi, di cual nan tabata haci uzo di e tereno/cas como baño. Tambe a topa cu cacho, parha y gainan cu tin enfermedad. Tur dia riba e tereno aki ta haci uzo di droga y pa motibo cu e chollernan ta haci uzo di e luga, mas hende no desea ta yega den e vecindario.
Meta di e proyecto aki tabata pa evita adictonan ambulante reuni riba e tereno y tambe pa evita cu den e bario e habitantenan por tin molester di pelea, desorden, huma y sushedad. Haciendo limpi ta evita cu adictonan ambulante ta crea luga ilegal pa warda cos.
E proyecto di “Kwihi Ambulante” ta duna e habitantenan di e vecindario di Paradijs un trankilidad. Si tin personanan cu sa di mas casonan similar yama Warda di Polis di Playa y pidi pa Polis di Bario.