E siman cu ta bin YMCA Aruba lo tene su curso di cushina pa cual Sra. Rachel Croes directora di YMCA Aruba ta splica mas di e curso aki.
YMCA lo cuminsa cu un programa cual ta PEP (progressive Educational Program). E programa aki lo cuminsa e siman di 12 di Juni, 2017. E ta cuminsa cu un siman di introduccion y e les di PEP, den e caso aki ta den cushina Chines y Indones, y tambe curso di pastry y snacks. Esaki tabata a base di diferente peticion di personana interesa.
E horario di e curso lo ta di 6 or y 30 di atardi pa 9 or di anochi. Na YMCA San Nicolas lo tin curso di computer, Excel y Word. E cursonan lo wordo duna door di Glenn Ridderstap, Willem Seferina y Jacky Woodley. Inscripcion ta costa 150 florin. Pa locual ta e cursonan di cushina, ta exclusivo e costonan di ingrediente. E manera cu e ta funciona, ta e instructor ta haci e compras pa e receta cu nan ta bay siña e cursistanan. E monto total lo wordo verdeeld entre e cursistanan. E cursistanan tin zeggenschap tambe ariba e suma cu nan ta bay paga e siman eynan.
YMCA tin su propio cushina y nan tin e material necesario pa e curso. Personana ta free pa trece nan mesun material, si nan ta sinti e necesidad. En principio YMCA tin e material necesario. Voor de rest tur cos ta inclui den e prijs.
E demanda mas grandi ta pa cuminda Chines y Indones, como tambe pa Pastry y Snacks. Awo nan ta warda ariba e inscripcionnan drenta. Awo nan ta warda ariba otro instructornan pa nan por amplia nan cursonan.
Interesadonan por subi nan Facebook page di YMCA, y por tambe yama 5823072 na YMCA Dakota, pa cursonan di cushina. Pa YMCA San Nicolas pa cursonan di computer, na telefon 5834053.