Poesia dedica na Aruba su himno y bandera

0

NOS HIMNO y BANDERA

Den Mar Caribe un isla chikito a wordo forma
rondona pa awanan blauw i profundo di lama
un Isla a wordo bendishona pa Tata Celestial
su historia ta conta di un nomber hopi special.

Oruba, oro ubo y pa despues cambia pa Aruba
cu su prome habitante e indiannan Caiquetio
e Perla den lama Caribe cu perspectiva propio.

Ban conta awor con Aruba a sigui ta prospera
despues di un lucha balente su pueblo a logra
haya su Status Aparte cu tabata e unico soño
di su hende humilde cu ta nan cas como doño.

Un grito di “Victoria” cu bandera den nan man
ta yama danki na Papa Dios cu a bin yuda nan
cu lagrima na wowo a festeha 18 Maart 1981.

18 di Maart e fecha unda Aruba a logra ricibi
su Himno y Bandera ta unda e pueblo a dicidi
escohe pa e Libertad y Identidad tanto anhela.

Aruba por pasa den duro ma su pueblo stima
ta sigui den lucha pa nan economia progresa
mustrando cu alma y curason Arubiano nan ta
semper cordando unda nan lombrishi ta dera.

Autor : Omaira I.Rodriguez-Britten

Comments

comments