E escena estremecedor a wordo graba na e Haciendo Miraflores na Palmarito, na Merida, durante e sakeonan violento cu a laga 4 morto y varios herido den e estado occidental di Venezuela.
E video cu a bira viral despues di a wordo subi ariba Twitter pa e diputado opositor Carlos Paparoni, ta mustra e desesperacion di e Venezolanonan door di e falta di cuminda y e escasez causa pa e gestion economico di e regimen di Maduro.
Den e filmacion por wak con un grupo di homber, gritando “nos tin hamber” ta rondona un baca, despues di tir’e cu piedra te mat’e pa nan horta su carni. Ora cu e baca a cay abao, mas persona ta acerca na careda.
“Nos tin hamber”, uno ta grita. “Hamber ta loke nos tin! E poblacion ta sufriendo”.
Segun reportenan, decenas di baca a wordo sacrifica pa e multitud den dos haciendo diferente.
“Esaki no ta manera. E actonan aki lo destrui mas lihe e produccion nacional, lo trece mas hamber y mas escasez”, Paparoni a comenta, cu a subi e video “den forma di denuncia”.
Venezuela ta pasando den un crisis economico, caracterisa pa un escasez di alimento severo di alimento y remedi.
Fuente: https://www.infobae.com