DEN HAAG – Un presidencia di Donald Trump “por bin cune un cantidad di daño,” segun minister Ronald Plasterk di asuntonan interior diabierna. E mandatarionan di e gabionete ta spera cu e rival di Trump, Hillary Clinton, bira presidente di Merca otro siman.
Plasterk ta haya cu e Republicano Trump “ta hopi extremo riba un cantidad di escala.” E tin miedo cu un gobierno Mericano bao di Trump lo tuma un posicion isolatorio. “Clinton kier pa Merca mantene un luga na mundo,” minister Lilianne Ploumen (Comercio Exterior y cooperacion di desaroyo). Su colega Ard van der Steur (Siguridad y Husticia) ta pensa cu pa e cooperacion internacional ta miho si e mandato ta Democrata. “Pa Hulanda ta miho pa Clinton ocupa e puesto.
Melanie Schultz (Infrastructura y Medio Ambiente) ta haya ta “preocupante” cu Trump no tin e experiencia di maneho. E ta hopi agresivo den tur cos cu e propone.” Secretario di Estado Klaas Dijkhoff (siguridad y Husticia) ta haya cu Trump ta “inpresidenciabel.”
Fuente: ANP