Ta conoci cu semper ora tin un yobida torencial e area di hotel tambe ta keda afecta principalmente dilanti di Riu Hotel. Ta conoci cu un plas di awa grandi ta keda unda esaki ta conecta hunto cu e rooileer y hasta awa di rooil ta mescla cu e awa di yobida. Pa personanan cu kier cana banda di caminda ta keda un molester y mester cana otro banda y hasta pa autonan mester core den banda contrario debi cu e nivel di awa ey por afecta cierto autonan. Ta mustra cu den futuro tin cu bin cu un solucion pa e caminda aki.