Actualmente ta tumando luga na Las Vegas, e Feria Internacional di Electronica di Consumo (CES). Durante e feria aki, e compania Chines TCL Communication Technology Holdings a mustra e modelo mas nobo di Blackberry, cu tin tres caracteristica masha simpel: siguridad, productividad y confiabilidad.
E lo uza un sistema di software di Android, y lo tin e siguridad mas completo cu’n smartphone Android lo por tin. E lo tin e siguiente caracteristicanan di calidad sumamente halto:
Keyboard: Soft touch y sensitivo y lo ta personalisa segun e manera di skirbi di cada usario.
Textura: E telefon lo tin un aspecto briyante cu lo brinda un aspecto refina.
Android: E usuario lo tin acceso na tur e aplicacionnan y actualisacion di e sistema operativo aki.
E compania TCL lo tin un plan pa rebiba e telefon Blackberry cual a sufri perdidanan grandi desde e introduccion di telefonnan celular di Apple y Google.
Segun e compania, e producto ta bende segun e confiansa den e producto y pa cual nan ta kere cu lo por ta exitoso un biaha mas. Esaki segun Steve Cistulli, gerente general di TCL.
Tur e detayenan tocante e modelo di mas nobo di Blackberry, lo wordo revela den e proximo Congreso Mundial di Telefonnan Celular na Barcelona, Spaña
TCL tin planea pa focus pa rebiba e reputacion di Blackberry, pa loke ta trata productividad y siguridad.
Fuente: Caracol Noticias