Hut Predators e ekipo funda na 1991 ta cumpli 25 aña existencia den e luna aki di November. Funda como Broncos di Rancho a wordo patrocina despues pa Nevada y drentando new millenium a haya e sponsorship di Pizza Hut. Pa celebra esaki en grande e ekipo ta biahando fin di siman aki pa Corsou pa hunga un torneo di “elite” di billiard. Diabierna anochi ta un “Gran Clasico” ora Campeon Corsou y legendario ekipo Maishi Tigers ricibi Hut Predators pa 8:30pm den House of Billiards na Granbeew Sta Rosa Weg. E mesun momento ariba mesa #2 ta e fuerte ekipo nobo, subcampeon y revolucion di Corsou Breaking Bad vs Campeon di Boneiro y poderoso Sharp Shooters, otro ekipo di gran repertorio exitoso den Dutch Caribbean. Diasabra 4or ta Breaking Bad vs Maishi Tigers y Hut Predators vs Sharp Shooters. Diasabra anochi 8or ta “House on Fire” ora e teamnan lo hunga “Do or Die” Sharp Shooters vs Maishi Tigers y Breaking Bad vs Hut Predators. E dos miho ekiponan lo bay final diadomingo pa 1or merdia unda “No Tabla pero Biga lo Bula”. Billiard den e hermana islanan ta conoci pa dushi ambiente y cu un competencia fuertisimo y di hopi mamamento di gai. Hut Predators lo ta representa pa “Super” Marc Farro, Jorshua “187” Ras, Armand “Osito” Ridderdstap, “Pitbull” Mitchell Kelly, “Alltime Captain” Ditto Acosta, Maikel “Pujino” Maduro, Marlon “Madman” Tromp, “Legendario” Edwin Chirino, Roukos “Rocky” Tanoury y Jorzihno “Baku” Everon. Un escuadron di bilyarista Arubiano lo baha den Granbeew pa competi contra e mihonan di Boneiro y Corsou. Tur fanatico ta invita pa e dushi ambiente den HoB na Graanbeew. Pa esnan cu no por yega bay na FB Page “King of The Caribbean” pa live streaming di e weganan.