Campeonato HEINEKEN di Aruba Softball Bond dedica na dos baluarte Sra. Bertha Wolf Croes y Eugenio “Tan” Helder a continua riba veld di Dragon Hitters. Den categoria masculino AA e ekipo di Pizza Hut Monsters y Balashi Premuim a splits nan serie cu un victoria pa banda. Den e prome wega e pitcher hoben den gran desaroyo Giancarlo Gomez a sa di tene Pizza Hut for di balance aun regalando 4 base por bola a logra e victoria di 10-8. Erick Henriquez ta drenta pa releva y sigura e wega. Balashi Premuim 10 careda, 11 hit, 2 eror. Pizza Hut Monsters 8 careda, 8 hit, 2 eror. Arjen Mathilda ta bay cas cu e derota ricibiendo relevo di Jonathan Tromp den di dos inning. Pitchernan di Pizza ta regala 6 base por bola den combinacion cu a pisa riba nan resultado. Miho bateadornan pa Balashi premuim ta Filbert Thiel 3-2 incluyendo un homerun, Sandro Geerman di 3-2 y Nathan Berkel di 4-2. Pa Pizza Hut Monsters a luci den causa perdi Rolando Bito y Derward Ruiz ambos di 3-2. Den e di dos wega otro gai a canta. Pizza Hut Monsters a manera saca un rosea fuerte cu nan tabata tin paden pa blackout e muchanan di Balashi Premuim. Pizza Hut Monsters 25 careda, 26 hit, 0 eror. Balashi premuim 2 careda, 3 hit, 4 eror. Arjen Mathilda ta gana mientras Jorge Santana ta perde e partido. Pa Pizza Hut Monsters a destaca na bate Julio Hernandez 3-2, Mario Wester 2-2, Alfred Williams, Derward Ruiz y Michael Fingal tur di 5-4, Randy Paredes y Rolando Bito di 4-2 ambos cu un cuadrangular y Jonathan Tromp di 5-3 tambe cu un homerun. Pa Balashi Premium e primonan Thiel esta Josmar Thiel y Filbert a bay di 1-1 y Christopher Rasmijn di 2-1. Weganan ta continua e siman aki na veld di Dragon Hitters. Softball a la carga.