Dialuna atardi pa anochi algun amigo a dicidi na bay pisca na e lama entre Boca Prins pa Dos Playa. Pero algo a bay robes cu un di e amigonan cu a gara un pisca. El a slip for di e baranca y a keda pega, e amigo a core bay busca celular pa pidi ayudo y ora a bin bek ya no a haya su amigo mas unda el a lage. Asina a bati alarma, tanto kustwacht, polis, brandweer y ambulance a keda poni na altura.
Kustwacht na mas cu un ocasion a manda flare den halto wak si por a topa cu algo pero nada. Personal di parke arikok a drenta accion y a tene un buskeda te Dos Playa y a logra haya e curpa y asina cuminsa cu reanimacion. Maske cu e slanan tabata fuerte na cabes, paramedico di ambulance a cana un distancia basta largo cu bomberonan pa yega na e curpa. Pero mucho no por a haci debi cu lama a bati e curpa basta y cu consecuencianan fatal.
Dokter y recherche a presenta na e sitio. Na final dokter a constata morto di A.Croes naci na 1989. A trece e curpa na entrada di parke arikok pa e auto funeral. Angelo ta un cabayero conoci pa hopi otro personanan den mundo di Dj. Na 2005 angelo tabata toca na varios evento como dj y su mes un miniteca, y ta un bon amigo tambe di gerencia di masnoticia cu tambe a lanta e mundo di locutor, dj na 2005 hunto cu Angelo y un grupo di mas amigo.
Palabra di profundo condolencia ta bay na su famia, y sigur forsa na tur amistadnan den e mundo di dj, y piscamento cu Angelo sosega na paz.