VIGO, Spaña- Un total di 266 persona a resulta herida na Vigo, Spaña, di cual cinco di gravedad, despues cu’n stage di palo ta cay aden durante un di e presentacionnan durante un concierto organisa pa e localidad Gallego aki.
E responsabel di Sanidad di e region di Galicia, Jesús Vázquez Almuíña, a duna un balans di e cantidad di heridonan.
Durante un di e actuacionnan di e festival, un plataforma di palo a cay aden, cual a genera un escena di panico y e public presente a core bay den tur direccion.
E alcalde di Vigo, e socialisa, Abel Caballero, a bisa di lo investiga e causa di e sucedido aki, cu a bin na momento cu’n rapper tabata dunando su presentacion, dilanti di un grupo grandi di su siguidonan, incluyendo menornan di edad.
Varios unidadnan di emergencia y policial, Nacional y Local, como tambe bomberonan, a presenta na e sitio pa duna e prome asistencia. Representantenan di e corporacion local tambe a presenta na e luga.
Fuentenan municipal a indica cu a efectua rastreo cu camaranan termico den e Avenida, unda cu e accidente aki a tuma luga, pa comproba cu no tabata tin niun hende cu por keda pega bou di e pier.
Fuente: https://www.efe.com/efe/espana
Fuente: https://noticieros.televisa.com/