Pfizer ta bandona e investigacion pa cura di Alzheimer

0

Pfizer, un di e fabricantenan di remedi mas grandi na mundo, a anuncia cu e ta bandona e investigacion di remedinan nobo pa e malesanan manera Alzheimer y Parkinson.
Cu e decision aki, e gigante farmaceutico ta uni su mes na otro companianan grandi cu no tabata por a confirma e efectividad di su investigacion cu testnan clinico y a reduci proyectonan destina na desaroya un cura pa Alzheimer.
Pfizer a defende su decision como un “ehercicio pa reasigna e gasto” cu e fin di concentra su mes ariba e areanan grandi unda su “cartera di productonan y experiencia cientifico ta mas solido”. E compania a agrega cu e esaki lo dun’e un miho posicion pa trece terapianan significativo riba mercado y lo ta di “un balor mas grandi pa accionista y pashentnan”.
Sin embargo, e paso di compania lo ta un golpi duro pa 46.8 miyon di persona cu actualmente ta biba cu e malesa aki rond mundo, segĂșn James Pickett, hefe di investigacion di e Alzheimer’s Society di Reino Uni.
E investigador a califica e noticia di decepcionante y a recorda cu cada tres seconde un persona na mundo ta desaroya demencia y cu e cifra aki ta den aumento, ya cu nunca tabata tin un momento mas importante pa un investigacion cu ta salba vida.
E motibo pa cual nunca tabata tin un tratamento eficaz , probablemente ta cu te ainda nunca sa cu siguridad pa kico e malesa di Alzheimer ta desaroya. E teoria principal asocia su mes na e acumulacion di un tipo di proteina den e celebro (yama beta amiloide y tau), cual ta hiba na e destruccion di celnan nervioso. Door di esaki, mayoria di e remedinan cu ta wordo investiga actualmente ta pa deshaci di e proteinanan. Sin embargo, e estudionan no por confirma e efectividad di e remedinan aki, cual ta trece duda den e hipotesis.

Comments

comments