LONDON, Inglatera – Bolsa Europeo a habri den un caida diahuebs, lastra pa e sector di materianan prima tras un caida den prijsnan di petroleo.
E indice panEuropeo STOXX 600 a baha un 0,3 porciento, na caminda den su di tercer sesion consecutivo di perdida, mientras e indice di balornan grandi a resta un 0,4 porciento.
E sector energetico y e balornan liga na mineria di Europa a cay cerca di 1 porciento.
E sector di salud tabata loke a experimenta mayor subida, di un 0,8 porciento cu Novartis, liderando e avancenan.
E accionnan di Novartis a suma un 2,5 porciento tras e resultadonan positivo di un estudio riba su medicamento canakinumab, cu ta reduci e riesgo pa esnan cu a sufri un atake di curason.
Di otro banda, e accionnan di Imagination Tech, cu a yega na registra perdidanan grandi pa un disputa como proveedor di tecnologia grafico di Apple, a repunta mas di un 20 porciento despues di a bay na benta.
Na April, Apple a bisa cu mas dilanti nan no lo uza tecnologia grafico di Imagination den su iPhone, loke a haci cu nan a cay mas di un 60 porciento e balor di e empresa Britanico riba mercado.
Fuente: http://lta.reuters.com