Petrobras lo traspasa control di 4 refineria na Brazil

0

BRASILIA, Brazil- E compania petrolero Petrobras a presenta un propuesta unda cu e ta busca socionan pa entrega e control di cuater refineria situa den e regionnan noordoost y zuid di Brazil, cu tin un dimension “relevante den mercado”, segun e compania a informa.
E cuater refinerianan cu ta figura den e plan ta Abreu e Lima (RNEST) y Landulpho Alves (RLAN), den e parti noordoost Brazilero, sumergi den pobresa y Presidente Getulio Vargas (REPAR) y Alberto Pasqualini (REFAP), ubica den e parti sur di e pais, segun Petrobras a informa den un comunicado na e mercado financiero.
Den e propuesta ta inclui tambe cinco terminal asocia cu e dos refinerianan den zona noordoost, cual capacidad di procesamento ta yega 430 mil bari pa dia, y otro shete vincula na e dos plantanan den zuid, cu por procesa 416 mil bario pa dia.
Den e sentido aki, Petrobras ta propone pa duna 60% na su futuro socionan y asina keda cu 40% di e operacion den cuater refineria y diesdos terminal.
Petrobras a remarca cu e lo mantene su participacion di 100% den e otro refinerianan y 36 terminal cu e tin den e resto di e pais.
Si e deal bay door, Petrobras lo reduci su participacion den e mercado di refineria na Brazil for di 99% cu e tin actualmente te cu 75% segun e prevision di e compania mes.
E proyecto ta den cuadro di e programa di benta di activonan cu e empresa ta desaroya desde 2015, pa caba di sali di un crisis economico grave cu a bira pio cu e multiple scandalnan di corupcion den e compania.
E plan di desinversion tin como obhetivo tambe un reestructuracion profundo cu e intencion di reduci su tamaño y perdidanan cu na 2017, pa di cuater aña sigui, a yega na 446 miyon real (awendia 132 miyon dollar).
Pa e periodo 2017-2018, e compania estatal ta spera di bende activonan pa 21 biyon dollar, cu lo suma na e 13.6 biyon dollar obteni den e convenio anterior.

Fuente: https://www.elconfidencial.com

Comments

comments