Petishon pa mantene region di Karibe liber di guera i konflikto

0
RBC Juli 2018
ling and sons porciento
Funmiles-2018

Resientemente NKBB a dirihi un karta urgente na e secretario general di Caricom, sr La Rocque relashona cu e e situashon aktual di emergencia i insiguridad pa e habitantenan di e islanan Bonaire, Korsou y Aruba. Na unda na e momentonan aki ta reina e temor ku Hulanda ta uza e islanan ABC pa kuminsa un provokashon ku por kondusi na un konflikto arma den Karibe i e region di sur Amerika. Resientemente diferente material pisa di armada Hulandes, inklusivo vehikulonan a wordu desborda na e waf di Korsou.
Caricom y e region di Karibe ta aspira integrashon i unidad di Karibe. Ademas a sa di mantene su posishon di ta den mundu un di e uniko regionan ku ta liber di guera i konflikto. Gran parti di economia i forma di sobrevivensia di e nashonan di Karibe ta depende di turismo. Sinembargo e presensia di e hulandesnan ku a rebiba nan agenda agresivo pa rekolonisa I a inisia esaki na 10-10-10, na momento ku a desintegra Antias Hulandes i a aneksa i rekolonisa e islanan mas chikito/ indefenso esta: Bonaire, Saba i Sint Eustatius loke por kondusi na un krisis den Karibe i resulta den islanan ku Apartheid.
E gobierno Hulandes nobo ku a sinta na Maart 2017, a apunta sr. Knops den e funshon di secretario di estado den e gobierno di reino. Sr Knops ta un ex militar eksperiensia den funshon di teniente kolonel. Konforme su curiculo e tabata aktivo den e Guerra na Irak. Su kredensialnan di Guerra aparentemente ta ideal pa ehekuta e agenda Hulandes den karibe . Na luna di Februari di e aña aki, pa medio di un desishon no democratico di e parlamento Hulandes, sr. Knops a enkabesa un akshon di abuso no demokratiko, na unda nan a presenta na St. Eustatius ku 40 polis bon harma I den haf un barku di guerra riba standby. Di e forma ey a basha abou e gobierno legitimo democraticamente eligi i a apunta un mandatario den un forma no democratico I kolonial pa goberna e isla di St. Eustatius.
Riba 5 juni 2018 ultimo, parlamento Hulandes pa medio di un moshon a disidi di instrui sra Bijleveld, minister di defensa Hulandes, pa konsulta y buska sosten di Fransia, Gran Bretania i Merka. Relashona ku nan interesnan den karibe; pa krea un forsa fuerte I robusto di defensa i kuminsa ku militarisashon di islanan ABC. Na e momento aki tin ekipo militar pisa ku e pueblo a eksperiensha ku no ta trata di un situashon normal. Temor ta biba serka e pueblonan ku nos islanan ABC ta wordu involukra den un posibel konflikto grandi harma of asta guerra entre e podernan grandi di mundu. E instrukshon di gobierno Hulandes aki no ta nada straño pasobra Hulanda a kampaña aktivamente pa drenta konseho di siguridad di Nashonnan Uni, pa e periodo di 2017. Sinembargo Hulanda no a logra haya sufisiente sosten, pesey a drenta un akuerdo ku Italia pa komparti e asiento. E aña aki si nan a logra bira miembro di konseho di seguridad di Nashonnan Uni.
Na April 2018, un delegashon di Bonaire i St Eustatius a bishita e sekretariado di Caricom na Guyana. Na unda a topa ku su embahador sr Colin Granderson. Eynan a denunsia Hulanda su kontinuashon di Kolonialismo den Karibe, dor di aneksashon pa medio di integra e islananan den konstitushon Hulandes (Oktober 2017), bou di derechonan desigual i kontra e deseonan di e pueblo di Bonaire i st Eustatius ku a rechasa e status aktual den e referendumnan di 2014 i 2015. Prome ku esey na 2016 I 2017 a denunsia e kaso na embahadornan di Nashonan Uni di e paisnan Karibense di Antigua I Barbuda, Cuba, St Vincent I Grenadines, Venezuela, Dominica , St Kitts & Nevis, Belize, Bahamas I otro miembronan di Komite Spesial di Nashonan Uni C24. Komienso di anja aki tabatin audiensia na Guyana y Grenada ku ministernan di Asuntonan Eksterior i ku e gobierno di Surnam. Ademas a papia cu e honorable embahador sr La Rocque, secretario General di Caricom, na e konferencia di Caricom Cofcor luna pasa na Nasau Bahamas.
Un nota historiko di e fecha 10-10-10, na unda nos pueblo a wordu pone bek bou di gobernashon kolonial Hulandes, ta kai eronikamente riba e mesun fecha 10 oktober ku ta konmemora e dia di Colon pa diskubriemento i kolonisashon di e kontinente Amerikano. Esaki ta un koinsidensia of nos ta konfrontado rekolonisashon di Americas. Pesey un petishon a sali pa Caricom i nashonnan di Karibe pa den e konferencia benidero di hefenan di estado di Caricom na Jamaica, pa papia i yega na akshonnan/ desishonnan pa preveni mas provokashon i eskalashon di un situashon no desea den region di Karibe ku ta konosi pa un region di pas.

 

Comments

comments

C: Heineken
new india
dvg