LIMA, Peru – E awasero severo y inundacionnan na Peru, a laga un saldo di por lo menos 72 morto, di acuerdo cu e ultimo rapport di e Conseho di Minister di e pais Sur Americano.
E presidente di e Conseho di Minister, Fernando Zavala a informa diasabra cu 572 mil Peruano a wordo perhudica pa e embatenan di naturalesa, mientras cu e damnificadonan ta sumi na 72 mil y tin un total di 72 morto, di acuerdo cu un rapport di e Agencia oficial Andina.
Zavala, segun Andina, a bisa cu e mas di 1800 districto di Peru, 811 a wordo declara den emergencia, mescos cu e 108 provincianan den 13 departamento.
Ademas, Zavala a bisa cu ya a ta suma 24 e districtonan di e provincia di Lima, declara den emergencia, loke ta permiti activia e fondonan tranferi pa e Ministerio di Economia pa enfrenta e situacion.
Di acuerdo cu Andina, Zavala, a bisa cu algun di e zonanan afecta ta similar na e desasternan cu a sosode na 1982 y 1997, ora cu e pais a wordo afecta pa e fenomeno El Niño.
Zavala a sigura cu e Gobierno Peruano ta traha incansablemente pa supera e emergencia.
Pa haci frente na e situacion, e presidente Pablo Kuczynski a anuncia diabierna cu lo entrega 4400 miyon di sol (rond di 1355 miyon di dollar) na e regionnan pa e reconstruccion di e zonanan afecta.
Ta trata di un decreto di emergencia aproba pa e Gobierno cu ta busca, hustamente, pa atende e situacion devastador cu Peru ta atravesa, Segun e comunicado publica pa e Ministerio di Economia y Finanss, e medida ta dirigi na e intervencionnan inmediato pa loke ta desaster y na e estimulo di e economia pa su crecemento no resulta impacta pa awasero y inundacionnan.
Fuente: CNN en Español