LIMA, Peru – Ministerio di Agricultura a declara dialuna un emergencia hidrico di 37 valle ubica nort y zuid di Peru debi na e sekia cu ta afecta mas of menos 350 mil hectaria agricola. E minister di Agricultura, Jose Hernandez, a splica den un rueda di prensa “cu e declaratorio di emergencia lo realisa algun medida inmediato pa atenua e efectonan di deficit hidrico” y coordina cu Gobiernonan local y regional e obranan di emergencia y planificacion.
E periodo di emergencia lo extende pa 60 dia den e vallenan ubica na Camana, Tambo y Moquegua den e parti zuid Peruano y na Piura y Lambayeque den e parti nort. “E area ta di 120 mil meter cuadra, rond di 350 hectarea agricula,” Hernandez a indica. Pa afronta e medidanan di emergencia pa e sekia, e Estado Peruano lo destina entre 14.7 y 17.6 miyon di dollar, a informa.
Desde inicio di aña, ora cu autoridadnan Peruano a prepara pa e yegada di e Fenomeno di el Niño, cu sa genera inundacion door di awasero intenso, a reporta e ausencia di precipitacionnan den e siera di e pais, unda cu ta cultiva mayoria di productonan agricola consumi den e parti di costa.
Fuente: El Colombiano